مهمه أنطربرونيه – الطموح كنز لا يفنى

April 3rd, 2011 by Ahmed Tawfik Leave a reply »

الطموح كنز لا يفنى,  يتميز الكائن الانطربرونى بالطموح الزائد وهذا يجعله يتحمل المزيد من المتاعب والمخاطر

وبعض الصفات الممكن تكون انطربرونيه وهى انى ما بحبش حد يتحكم  فيا او يدينى اوامر مش مقنعه  بحس أنى مقيد او مش بفكر بنفذ وخلاص علشان لازم انفذ المطلوب وخلاص, ليا صديق عزيز عليه اشتغلنا مع بعض اكثر من سنتين وكان فريق عمل جميل جدآ وزعلت فعلآ لما سبت هذا الفريق ولكن مفيش حاجه بتفضل على حالها :)   ولكن الصداقه كنز لا يفنى, كان بيقولى جمله لذيذه  قوى كل لما كنت اجى اشتغل او اعدل فى جزئيه فى موقع او حاجه أعملها مجرد انها مطلوبه وخلاص ومش عجبانى التعديل ده او مش فاهم هو ليه كان بيقولى

Put the donkey where the owner need

لما تكون شغال موظف فى شركه ويجى مديرك فى الشغل يطلب منك شغل خد نفذ دى وأعمل دى لا دى مش عجبانى لا دى مش كدا لا غيرها شيلها ويسلام بعد لما تتعب وتعمل الشغل يجى يقلق بعد اسبوع او ينام ويصحى من النوم لالالا بص احنا هنغير الموقع كله ونعمل موقع جديد, طيب يا فندم حضرتك ليه منفذناش كل حاجه من الأول بدل منغير كل شويه ونهد ونبنى تانى !! اصله كدا هيبقى افضل اصله احنا عايزين وتخشلك بقى تهد وتبنى وتهد وتبنى مهو انت موجود معاه يا ترى هيسيبك :) , طبعآ مش هيكون ادامك غير انك تقول طيب حاضر مره والتانيه ومش هتخلص طول مأنت موجود هتعد تهد وتبنى لحد لما تفكر وتقول مش عايز أكون موظف تانى وربنا يبعتلك الفرصه التى تقرر فيها التخلص من العمل كموظف فى شركه بدون اى مقدمات وترك الجمل بما حمل وكل هذا بتوفيق من الله أولآ وأخيرآ طبعآ ومن هنا تبتدأ المغامرات الانطربرونية  فى ان تعطى شكل أخر لحياتى وبدأت هذه المغامرات مع أول مشروع  وبعض من المبرمجين الأصدقاء الذى لهم دور أيجابى فى نجاح هذا المشروع وسوف اتكلم بالتفصيل عن هذه المهمه فى 4 تدوينات اخرى أنشاء الله

Tags:
Advertisement

1 comment

  1. retaj says:

    مشكور على المجهود الرائع
    تحياتى لكم

Leave a Reply